Lehen Hezkuntza: 6-12 urte
Home - Lehen Hezkuntza: 6-12 urte
12 urteko etapan, gure irakaskuntza haurren indibidualizazioan eta sozializazioan oinarritzen da. Norberaren ezagutzatik eta norberaren beharretatik abiatuta, haien gaitasunen hobekuntza bultzatzen dugu, hezkidetza, errespetua eta elkartasunarekin batera. Familian, eskolan eta gizartean moldatzeko oinarrizko gaitasunak eskuratuko dituzte. Familiaren lankidetza ezinbestekoa da. Ikasleak ez dira jarraitzaile hutsak izango, irakasleen laguntzarekin euren autonomia garatuko dute eta gai izango dira ikasgelaren aurrean proposamenak sortzeko, beren gaitasunaren arabera.
Ikaskuntza kooperatiboa, talde lana eta proiektu bidezko metodologia bultzatzen da. Kritikoa izaten ikasten dute. Irakurtzeko teknika ona lortuko dute, testu desberdinak ezagutu eta ulertuko dituzte, eta gaitasun ona lortuko dute ahozko, idatzizko, hitzik gabeko eta komunikazio digitalerako. 5. eta 6. mailetan iPad erabiltzen da eta Google Classroom eta beste aplikazio batzuk erabiltzen dira lan egiteko, informazioa trukatzeko eta elkarreraginerako, bai ikasleen artean bai irakasleekin.
HIZKUNTZAK (euskara, ingelesa)
Sistema eleaniztun batean hezten dira, euskal kultura eta euskara ardatz nagusi dituztela, eta Hizkuntza Normalkuntzako Planetik sustatutako motibazio-jarduerak garatzen dituzte.
Bestalde, ingelesaren garrantzia azpimarratu nahi dugu, gero eta handiagoa baita, eta haren presentzia indartu, etapako maila guztietan ingelesezko arte eta gorputz-hezkuntzako irakasgaiak irakatsiz.
TUTORETZA PLANA
Ikastetxearen Hezkuntza Proiektuaren barruan, Tutoretza Plana da ikasleen eskolatze-aldi osoan orientazio eta jarraipen ekintza guztiak antolatzeko egitura. Plan hau ardatz hauetan oinarritzen da:
Garapen pertsonala (Norberaren ezagutza, onarpena eta zaintza, hezkuntza emozionala, baloreak)
Besteekiko harremanak (Talde antolatzea, elkarbizitza, hezkidetza, sare sozialak, giza eskubideak, berdintasunean desberdinak, inklusioa)
Ikaskuntza prozesua (Antolamendua eta planifikazioa, errendimendua eta emaitzak)
Orientazio akademiko-profesionala (Ibilbideak aztertzea, informazioa bilatzea: ikasketak, lanbideak, aisia…, erabakiak hartzea)
Gaur egungo gizarteari erantzuna emateko bizikidetza, inklusioa eta hezkidetzari aparteko lekua emango diogu gure Tutoretza Planean.
ARTE ETA MUSIKA PROIEKTUAK
Arte-diziplinek garrantzi berezia dute gure ikastetxean, eta arte-irakasgaia sortzaileagoa izan dadin birdefinitzeaz gain, ikasle bakoitzak bere sorkuntzak egin ditzake, talde-proiektu handiekin batera, ikasgaia ingelesez ematen da oso-osorik. Anbizio handiko musika-proiektu bat ere badugu, ikastetxeko kantua eta korua ardatz nagusi direla, eta hainbat emanaldi egingo ditugu, bai ikastetxean bertan, bai ikastetxetik kanpo; helduen egoitza, Gabonak, ikastetxearen eguna, Agate Deuna, kaperako kontzertuak…
Eta, gainera, ahozko adierazpena hobetzeko beste bi jarduera daude, hala nola, antzerki-tailerra, Aretoan kultur emanaldiak ikasturte amaierako ikastaro bikoitietarako, eta bertsolaritza 5. mailan, ikastetxean eta Zornotza aretoan.
Aniztasun trataera
Ikasle bakoitza bakarra da horregatik ikasle bakoitzaren beharrizan bereziak kontutan izaten ditugu eta erantzuten ahalegintzen gara orientatzaile eta Pedagogia Terapeutiko irakaslearen babespean.
Beraz, arreta berezia eskeintzen diegu premia dutenei, bakarkako planak eratuz orientatzaile eta Pedagogia Terapeutiko irakaslearen babespean.
Hau guztia lortu ahal izateko hainbat neurri hartzen ditugu: metodologia moldatu, indartze neurriak, banakako planak eratu,…. behar bereziak dituzten ikasleekin, etorkinekin euskera eta gaztelera ondo ikasteko hizkuntza indartzeko klase bereziak; eta gaitasun handiko ikasleekin material osagarriak eskeiniz.
ApS
ApSk eduki akademikoak integratu eta horiei zentzua eman nahi die, baina gizarteari onura ekarriko dion balio praktikoa emanez, eta horrek gure errealitate sozialean modu aktiboan integratzera garamatza.
Lehen Hezkuntzan, proiektu nagusia Lehen Hezkuntzako 5. mailan garatzen dugu, eta ikasleak José María Azkuna egoitzara joaten dira, egoiliarrak elkarrizketatzera eta duela 80 urteko bizimodua ezagutzera.
Irteerak, egonaldiak eta ospakizunak
Etapa honetan garrantzi handia ematen zaio sozializazioari eta bizikidetzari, hainbat girotan, hala ospakizunetan nola ikastetxearen barruan; Euskararen Eguna, A21 Eguna, Gabonak, Santa Ageda, Bakearen Eguna, Inauteriak, Emakumearen Eguna, Ikastetxearen Eguna, Kultur Astea…, eta baita handik kanpo ere, Pasaia, Gorargi, Sukarrieta eta beste hainbat egonaldi.
Eskolaz kanpoko ekintzak
Eskolaz kanpoko jarduera-sorta zabala eskaintzen dugu, bai garapen fisiko eta sozialari begira, bai ikasleen adimen-kezkari begira. Garrantzi berezia dute ingelesezko eskolaz kanpoko ikasleek, Ikastetxearen asmo handiko hizkuntza-proiektuarekin lotuta baitaude.
Jarri harremanetan
Kalbario Plaza, 4. 48340 Amorebieta (Bizkaia)
Arretarako ordutegia (Harrera eta idazkaritza):
Etengabeko ordutegia: 9:00 - 17:30